మీనాక్షి 3
ఎంతో ఆశతో ఎన్నో ఆలోచనలతో మీనాక్షి కోసం ఎదురుచూస్తున్నాడు కార్తీక్.
తను కూడా మీనాక్షిని ఎంతగానో ప్రేమించాడు.
తనకి పెళ్లి అయింది అని తెలిసినా కూడా మీనాక్షి మీద ఉన్న ప్రేమని వదులుకోలేకపోయాడు.
అతని ప్రేమని చెప్పటానికి మీనాక్షికి అయిన పెళ్లి అడ్డువచ్చిందే కానీ ఆ ప్రేమను పోగొట్టలేకపోయింది. తనతో గడిపిన ప్రతి క్షణం కార్తీక్ కి ఒక జ్ఞాపకమే.
తనకి ఎపుడు లేని ఎదో తెలియని ఒక ఫీలింగ్ ని కలిగించింది మీనాక్షి పరిచయం.
ఇద్దరు ఒకేలా ఫీల్ అయినా ఎప్పుడు ఆ ఫీలింగ్స్ ని బయటపెట్టలేదు.
ఇపుడు కార్తీక్ కి ఒక అవకాశం దొరికింది తనకి మీనాక్షి మీద చెప్పలేనంత ఉన్న ప్రేమలో కొంత అయినా చెప్పాలని, మీనాక్షి ఒప్పుకొంటే జీవితాంతం కలిసి నడవాలని ఎదురుచూస్తున్నాడు కార్తీక్.
తన జ్ఞాపకాల కాలం నుంచి వచ్చిన అక్షరామాలను ప్రతీ క్షణం నెమరు వేసుకొంటున్నాడు,
"ఏనాటిదో మన పరిచయం, ఏ జన్మదో ఈ పరవశం
నను విడిచి నా నీడ నీతోనే సాగింది
ఒక క్షణమైనా నిను వీడి ఉండలేనని అది నీతోనే కలిసింది"
ఐ లవ్ యు మీనాక్షి
ఇదే తన గుండెలోతుల్లోంచి అనుక్షణం తనను తరిమి, ఆ ప్రేమలోతడిపే ఆలోచనలు.
ఇలాగే ప్రపోజ్ చేద్దాం అని గట్టిగా అనుకున్నాడు.
అలా తెలియకుండానే గంట గడిచిపోయింది.
కానీ మీనాక్షి మాత్రం రాలేదు.
అపుడే వచ్చాడు కార్తీక్ ఫ్రెండ్ వాసు.
అర్జంట్ గా నాతో రారా అని,
మీనాక్షి కోసం చూస్తున్నానని ఎంత చెప్పినా వినకుండా అక్కడినుంచి కార్తీక్ ని తీసుకెళ్లిపోయాడు.
ఎందుకురా ఇలా చేసావు నేను ఈ రోజు కోసం ఎంతగా ఎదురుచూస్తున్నానో నీకు తెలుసు కదా అంటుండగానే వాళ్లు వెళ్ళే బైక్ , హాస్పిటల్ ముందు ఆగింది.
వెంటనే కార్తీక్ మనసులో ఎదో చెడు ఆలోచన మొదలైంది.
అయినా సరే తనకి తాను సర్ది చెప్పుకొనే ప్రయత్నంగా ఎందుకు ఇక్కడికి వచ్చామని వాసుని అడిగాడు.
ఆ క్షణం కార్తీక్ కి తెలియదు తనకన్నా తన మనసుకే జరగబోయేది
మంచో లేక చేదో తెలుసుకొనే తత్వం ఎక్కువని.
కార్తీక్ ని ICU దగ్గరికి తీసుకెళ్లాడు వాసు,
లోపలికి వెళ్ళమని తనకోసం ఆఖరి చూపులతో మీనాక్షి ఎదురుచూస్తోంది అని చెప్పాడు.
ఆ మాటలు విన్న కార్తీక్ కి ఏమి అర్థంకాలేదు. తను ఎక్కడ ఉన్నాడోకూడా తెలియలేదు.
అలా కార్తీక్ వింటున్నాడో లేదో తెలియకుండానే వాసు చెప్పడం మొదలుపెట్టాడు.
కార్తీక్ ని కలవడానికి చాలా హ్యాపీగా గుండెలనిండా ప్రేమతో వెళ్తోంది మీనాక్షి కానీ, తాను కార్తీక్ కి శాశ్వతంగా దూరం కాబోతోందని తనకి తెలియదు. అనుకోకుండా ఒక ఆక్సిడెంట్ అయ్యింది.
చాలా బలమైన గాయాలు అవ్వటంతో బతకటం కష్టమని డాక్టర్స్ చెప్పారు.
ఆ మాటలు పూర్తి కాకుండానే కార్తీక్ ఐ సి యూ లోపలికి అడుగు పెట్టాడు.
మీనాక్షి వద్దకు తాను వేస్తున్న ప్రతీఅడుగు తనని
మీనాక్షికి శాశ్వతంగా దూరం చేస్తుందని తెలిసి భరించలేకపోతున్నాడు.
అయినా తన నడక అగట్లేదు. అలా మీనాక్షికి దగ్గరగా వెళ్ళాడు.
మీనాక్షి, కార్తీక్ తో మాట్లాడిన మొదటి, ఆఖరి మాటలు, "నేను అందరి అమ్మాయిలలాగే నా లైఫ్ గురించే చాలా అందంగా కలలు కన్నాను కానీ అవేమి జరగలేదు. నేను అనుకోకుండానే నా జీవితంలో చాలా సంఘటనలు జరిగిపోయాయి. వాటితో నేనేప్పుడూ కలవలేదు. కలవాలి అనుకోలేదు.
ఫస్ట్ టైం నేను కావాలి జరగాలి అనుకొన్న ఒక విషయం నిన్ను ప్రేమించటం,
నీతో కలిసి నా జీవితాన్ని పంచుకోవాలి అనుకోవటం. ఇపుడు ఎన్ని నిమిషాలు నాకు మిగిలి ఉన్నాయో తెలియదు కానీ వాటిని నీతో గడపటం నాకు చాలా హ్యాపీగా ఉంది.
ఐ లవ్ యు కార్తీక్
ఇలాంటి ఒక సిట్యుయేషన్ ఎవరికీ ఎప్పుడూ రాకూడదు
వచ్చినా ఈ మాటను చెప్పేలా అస్సలు రాకూడదు"
తన కళ్ళు కూడా ఏడుస్తాయని ఆ రోజే మొదటిసారిగా తెలిసింది కార్తీక్ కి.
మీనాక్షి చెప్పే మాటలు వింటూ అలా నిలబడి ఉండిపోయాడు.
ఐ లవ్ యు టూ మీనాక్షి నీకేమి కాదు అంటూ గట్టిగా ఏడ్చేశాడు.
చివరిగా మీనాక్షి కోరిన ఒక కోరిక, "కార్తీక్ నా వల్ల నీ జీవితం మధ్యలోనే ఆగిపోకూడదు నేను నీతో కలిసి జీవితాన్ని పంచుకోలేకపోవచ్చు కానీ నీకే ఒక పాపలా పుడతాను, నీతో అడతాను , పాడతాను, తిరుగుతాను...నీ చేతుల్లో పెరుగుతాను నాకు ఆ అవకాశం ఇస్తావా" అని తన చేతిని చెపుతూ అడిగింది.
అలాగే అని తన చేతిని మీనాక్షి చేతిలో కలిపేలోపే
మీనాక్షి తన చేతినుంచే కాదు ఈ లోకం నుంచే వెళ్ళిపోయింది
ప్రతీ కథకు ఒక ఎండింగ్ ఉంటుంది కానీ ప్రేమ కథకు ఉండదు.
మనం ప్రేమించిన ప్రతీ వ్యక్తిని ఏవో కొన్ని కారణాల వల్ల పొందలేకపోవచ్చు అందువల్ల లైఫ్ ని స్పాయిల్ చేసుకోకూడదు. కార్తీక్, మీనాక్షి విషయంలోనూ అదే జరిగింది.
కానీ కార్తిక్ తన లైఫ్ ని ఎండ్ చేయలేదు ఆ క్షణం నుంచి స్టార్ట్ చేసాడు
ఎందుకంటే మనిషికే మరణం. ప్రేమకి కాదు.
తనకి తెలుసు తొందరలోనే తన మీనాక్షి తనకే పాపగా మళ్ళీ పడుతుందని
జీవితంలో ప్రతీ క్షణం చాలా విలువైనది. ఒక్క క్షణంలో మనం వేసే తప్పటడుగు కొన్ని వేల క్షణాలను మన నుంచి దూరం చేస్తుంది అలాగే ఒక్క క్షణంలో మనం తీసుకొనే నిర్ణయం, మన జీవితంలోని కొన్ని వేల నిర్ణయాలను చంపేస్తుంది.
పాఠకుల హృదయాలకు దగ్గరైన కథ
ఇప్పుడు రిలీజ్ అయింది.
మీరు ప్రేమించే వారికి ఇవ్వగలిగే మంచి కానుక
*** ***
మీ ప్రశ్నలకు సమాధానం కావాలన్నా,
మీ కథని వేల మందితో పంచుకోవాలన్నా
లేక
మీ ప్రేమ లేఖను ఒకరికి తెలియచెప్పాలన్నా
ప్రతి వారం కనీసం ఒక్క ప్రశ్నకైనా సమాధానమిస్తాము.
సమాధానం సంతకం పేజీలో పోస్ట్ రూపంలో మీరు చూడొచ్చు.
*** ***
