తప్పక చూడవలసిన 'రామనారాయణం'

రామాలయాలు మన దేశంలో చాలానే ఉన్నాయి. ఎంతో విశిష్ట కలిగిన రామ మందిరాలు 'భద్రాచలం' లాంటి ప్రదేశాలు కూడా ఉన్నాయి. అలాంటి విశిష్ట కలిగిన రామ ప్రదేశాలలో కొత్తగా చేరినది 'రామనారాయణం'

విజయనగరం జిల్లాలో ఒక చిన్న ఊరు 'రామనారాయణం'.

గతేడాది వరకు ఎవరికీ తెలియని ఈ ఊరు, ఇప్పుడు పర్యాటకులకు ఒక కొత్త యాత్ర ప్రదేశంగా మారింది.

ఏముంది అక్కడ?

మన పురాణం ఇతిహాసాల ప్రకారం, అత్యంత శక్తీవంతమైన వాటిల్లో రామబాణం ఒకటి. అంతటి శక్తివంతమైన రామబాణం ఆకారంలో ఉన్న ఒక గొప్ప కట్టడం.

దాదాపు 15-20 ఎకరాల విస్తీర్ణంలో అందంగా ఎక్కుపెట్టిన బాణం ఆకారంలో ఉన్న ఈ కట్టడానికి మరెన్నో విశిష్టతలు ఉన్నాయి.

గూగుల్ మ్యాప్స్ లో సైతం కనిపించేలా కట్టిన ఈ కట్టడం విజయనగరం జిల్లా కి ఉన్న సుందరమైన ప్రదేశాల్లో ఒకటి. 

అసలు కథ ఏంటి?

ప్రత్యేకత మాటకొస్తే,  మనం ఎన్నో సార్లు విన్న రామాయణ కథ. 

శ్రీరాముడి జననం నుండి అతను రావణుడిని వధించి పట్టాభిషేకుడు అయ్యినంతవరకు ఆ అద్భుతమైన రామాయణ కథను అందమైన దృశ్యరూపాలతో అక్కడ ఉంచడం విశేషం. అద్భుతమైన ఆ శిల్పకళ రామాయణ కథను కళ్ళకు కట్టినట్టుగా చూపిస్తుంది. 

నైపుణ్యం కలిగిన శిల్పకారులచే ఆవిష్కరించబడిన ఈ దృశ్యాలు చూసేవారికి, ఎంతో విలువైన సమాచారాన్ని, అంతకంటే విలువైన ఆనందాన్ని ఇస్తాయి.

నిత్య అన్నదానం 

ఇక్కడ జరుగుతున్న నిత్య అన్నదానం ఎంతో మందికి కడుపుని నింపుతున్నాయి.

మీరు కూడా ఒక సారి వెళ్లి ఈ ప్రదేశాన్ని చూసేయండి మరి.